externer Beitrag

zurück zur Stammseite
"Externe Beiträge"

Paul Beneke
Admiral der Hanse, Bürger und Ratsherr von Danzig; Pirat († 1480)

Rede an die Mannschaft der "Peter von Danzig"

Och, Ghessellen, wath do wy nu? Wath wyl hyr uth werden? Wo wille unde kane wy duth voranthwerden? Nu wolde yck doch, dath yck duffen Dach nycht affgeleueth, dath yck myth mynen Oghen moeth anssen, dath sso mennych erlyker dudisker Krygesman unde Schipman vor den Walen vorsageth de Fflucht nymth. Wath hebbe wy doch vor Orsake? Wath maketh uns sso vorsageth? Were uns nycht erlyker, dath wy alle vor unssen Vyenden um unsses Vaderlandes Vryheyth ghestortheth unde thor Stede ghebleuen, alsse dath wy de Schande unsse Leuelanck schalen dragen, dath uns ock de Kyndere myth Ffyngeren anwyssen unde naseryen: Dath syn, de synck van den Walen hebben lathen yaghen! Ghedenth doch, welck enen Moeth unsse Vyende, de Engelsche, werden thugen, dath sse alle Tydt wynnen unde wy vorloren. Wo mennyghen fframen dudisken Copman unde Schyypman werde wy umme Lyss unde Gudt brynghen. Och, hedde wy uns des Speles nycht vorghenamen: Were vele bether, wy hedden yo es ghude Mathe ghehath, dath uns de Walend ere Leue lanck vor de Ogen nycht ghekregen hedden. Hebbe ych nycht tho yuw tho varen ghespraken: Broder, dar were wol ene ghode Buthe vorhanden, auerst sse wyl Arbeyth kosten. Welde ghy alle alsse ych Ernst bewysen, sse schold uns nycht enstan. Auerst vnuorscgrockken Herthe unde Ffusste wyllen dar tho horen. De Galeyde ys groth, dar tho eyn unschuselyck Best anthosende, des ghy nycht ghewanen syn, vele Ffolcke unde Gheschutthe thotherusteth. Auerst yd syn Walen unde nene Dudiske. Sso wy auerst unssen Voruederen na myth Herthen unde Ffssten wolden Dudisken syn, sso scholde uns de Buthe nycht enstan unde unsse Leuedaghe uns gudt doen. Do repe ghy alle: Ich scholde anders an yuw nycht vynden. Den dath dudisken Menneren wol anstende. Och grothe Goth, nu moth yck myth mynen oren anhoren, dath de Walen uns naropen: Sso schal me de dudisken Hunda yaghen Scholde nycht eyn erlyker Dudisker leuer steruen alsse ssodans horen.

EB 1. Volumen

Preußischer Landbote, 2010

23.11.2010